Nîşan Doxan bi nasnava Nîşo (15.02.2012) – Youtubereke kurd e ku li Almanyayê ji dayik bûye û li wir dijî. Kanaleke wî ya YouTube heye ku têde skecthên rexneyî yên civakî û siyasî belav dike û bi mijarên balkêş ên civaka Kurd li Ewropa û Rojava re mijûl dibe. Wî her wiha vîdyoyan diweşîne ku rasterast peyamên ji bo bînerê kurd radigihîne, li gorî mijar û bûyerên rojane, wek vîdyoya wî ya roja zimanê kurdî.

Jiyana wî ya kesane:

Zarokê bi navê Nîşan Doxan di sala 2012an de li bajarê Hannoverê li Elmanyayê ji malbateke Kurd a ku ji ber şer ji Sûriyeyê penaberî Elmanyayê bû,  ji dayik bû. Kurê berhemhêner û derhênerê kurd Deysem Doxan e û mamê wî hunermendê navdarê kurd Dilo Doxan e.

Destpêkên li ser YouTube:

Berî ku Nishan beşdarî cîhana YouTube bibe, dê û bavê wî ji temenek piçûk ve jêhatiya Nîşan ji bo lîstikvaniyê dîtin, ji ber vê yekê diya wî hin kêliyên wî bi vîdyoyan belge kir, ramana wê ew bû ku Nîşan gava mezin bibe wekî bîranîn bimînin. Dûv re pandemiya Korona hat, ku her kes neçar kir ku li malê bimîne, ji ber vê yekê hizira bavê wî ew bû ku nexşeyên ku ji hêla Nîşan ve hatî pêşkêş kirin bikişîne û çêbike. Li vir bi alîkariya teknîkî ya bavê xwe di warê wênekêşî, montaj û derhêneriyê de û herwiha nivîsandina senaryoyan ji hêla senaryonivîsê kurd Rodî Hemê ve, dest bi derbasbîna wî ya fermî bo nav cîhana YouTube bû.

Nîşan xwedî şiyan e ku bi gelek karakterên cihêreng û dramatîk bi cih bîne, ji bilî komediyê, li gorî temenê xwe dikare di dramayan de rolên tevlihev bilîze.

Nîşan, wek her zarokekî kurd li welatên ewropî, pêwîstî bi pêşxistina zimanê kurdî hebû, van sketchên hanê jî gelek alîkarîya wî kirin, li gor gotina bavê wî di hevpeyvînekê de di bernameya Diaspora ya kenala Rûdawê 12-2-2021. .

Yekem skectha wî ya civakî bi mijara binavkirina navên zarokan û tevliheviya ku dê û bav dema ku bi hilbijartina navekî ji zaroka xwe re mijûl dibin. Vîdyoya bi navê “Navê Baby” dengvedaneke neçaverêkirî bi dest xist, û bû destpêk û handanek ji bo çêkirina sketchên din. Bavê Nîşan ji bo wî kanalek li ser YouTube çêkir, ku hemî sketch û vîdyoyên wî têde berhev kirin, û destpêka fermî ya kanalê di 17ê Gulana 2020an de bû.

Kurdistan 24 û Rûdaw:

Şarezabûn û şiyana Nîşan ku di yek sketchê de 5 rolên cuda yên lîstikvaniyê bilîze, ji bilî zimanê kurdî yê xurt û xweş ku her kes jê fam dike, bala navdartirîn kanalên televizyonê yên kurdî, ji wan Kurdistan 24, Rûdaw û medyayên din ên kurdî, kişand. Nîşan di medyaya civakî de jî di nav civata kurdî de binavûdeng bû, her carê ku Nîşan li deverekê amade dibû, hemû nêzîkî wî dibûn ku silavan lê bikin û pesnê wî bidin ji bo karên ku dike, ji bilî gelek peyamên spasî û piştgiriyê, jê xwestin ku berdewam bike.

Pesn û pesindan:

Di 17.02.2021 de kesayetiya Kurd Dr.Ferec Remo ji bo nirxandina rismên wî yên ku xizmeta civaka Kurd û zimanê Kurdî dike mertalê spasiyê pêşkêşî Nîşan Doxan kir. Ferec Remo xwediyê doktorayê ye di Perwerdehiyê de û ji sala 2006ê ve li zanîngeha Bielefeldê wek mamoste kar dike. Xebata wî bi ne bi tenê di warê akademîk de ye, lê projeyek wî ya civakî heye ji bo piştgirîkirina bihevrejiyanê, li wir xelatek salane ji bo kesayetiyên ku di nav civaka Alman de ne di vî warî de ava kir.

Çalakiyên wî yê xêrxwazî:

Nîşan navûdengê xwe terxan kir ji bo xizmetkirina projeyên mirovahî, ya  herî dawî di Nîsana 2021an de bû, ku Nîşan beşdarî ragihandina kampanyayeke bexşînê ji bo zarokên Êzîdî li kampan bû. Nîşan Doxan bi saya tiştên ku pêşkêşî dike hîna zêdetir navdariyê bi dest dixe, hejmara şopînerên xwe yên li ser platformên medyaya civakî, di nav de Instagram, 100 hezar derbas dike.